東亞區分組賽今日重開
新冠肺炎影響延期超過大半年嘅亞冠盃東亞區分組賽重開，NES，15支球隊於未來1個月會師卡塔爾，決出東亞區冠軍，再與早前攞到西亞區冠軍嘅伊朗代表柏斯波利斯競逐最終王者寶座；今晚打頭陣有F組珀斯光輝鬥FC上海（上海綠地申花），FC上海有唔少傷兵，加上以往喺亞冠盃鬥澳職球隊輸多贏少，今場料打守勢波，2.5球入球細捧得過。
（Now 670、有線611及651台周三晚6時直播）
受新冠肺炎疫情拖累，今屆亞冠盃舉行日期一改再改，最終亞洲足協決定取消主、客制，改以「賽會形式」喺中立場卡塔爾舉行，西亞區比賽早前已率先喺9月份復賽，結果來自伊朗嘅柏斯波利斯力退群雄，成功奪得西亞賽區冠軍；東亞區賽事原定10月份展開，不過由於早前多國疫情出現反彈，故此要延至今日才正式重開。
上海傷兵多 光輝未操起
東亞區（Ｅ至Ｈ組）賽事原本由16支球隊競逐8個出線席位，不過由於G組嘅馬來西亞代表柔佛ＤＴ受到該國政府出境限制，未能前往卡塔爾參賽，故此已宣布退出，佢哋之前對神戶勝利船及水原藍翼嘅成績將不計算在內，如今由餘下3隊（同組尚有ＦＣ廣州）競逐兩個出線席位。
今晚首場復賽由F組珀斯光輝鬥ＦＣ上海；ＦＣ上海喺剛結束嘅中超球季攞到第7名，當中喺改制後嘅爭標組淘汰賽對戰上海ＳＰ及ＦＣ重慶，同樣都係鬥到互射12碼先至落敗，表現唔曳；不過佢哋目前陣中有唔少傷兵，前鋒楊旭、後衞趙明劍及中堅朱辰傑都未有隨隊，FC，哥倫比亞前鋒兼隊長祖雲尼摩蘭奴、喀麥隆守將麥比亞、前國腳馮瀟霆雖有機會傷愈披甲，但狀態未足。
睇番ＦＣ上海對上5次喺亞冠盃鬥澳職球隊只得3和2負，今次殘陣出擊更難搶得甜頭；珀斯光輝自從8月尾踢完最後1場澳職季後賽，已經接近3個月冇正式比賽，相信亦未必可以咁快上力，NES，ＦＣ上海近7場亞冠盃有5次總入球開2球或以下，今場首選入球細。【华体网波经频道】
